Zamonaviy robotlar – bu faqat mexanik qurilmalar emas, balki murakkab elektron va intellektual tizimlardir. Ularning samarali ishlashi uchun boshqaruv markazi sifatida mikroprocessor tizimlari keng qo‘llaniladi. Ushbu tizimlar robotga muhitni sezish, qaror qabul qilish, harakatlarni bajarish hamda boshqa qurilmalar bilan o‘zaro aloqada bo‘lish imkonini beradi. Robototexnika sohasida mikroprocessorlar – bu robot “miyasi”, ya’ni barcha funksiyalarni nazorat qiluvchi va boshqaruvchi asosiy qurilmadir. Turli xil sensorlar va aktuatorlardan olingan ma’lumotlar mikroprocessor orqali qayta ishlanadi va robot harakatini aniqlaydi. Mikroprocessor tizim robotning ishlashini nazorat qiladi va uni boshqaradi. Bu markaziy protsessor (CPU), xotira, kirish/chiqish tizimlari va boshqa komponentlardan iborat bo‘lib, robotning ishlashini boshqaradi.