Ushbu taqdimot ingliz tilini chet til sifatida o‘rgatishda induktiv va deduktiv yondashuvlarning samaradorligini taqqoslashga qaratilgan. Unda grammatika o‘qitishda ikki yondashuvning mohiyati, ustun va kamchiliklari tahlil qilinadi. Deduktiv yondashuvda grammatika qoidalari avval berilib, keyin misollar bilan mustahkamlanadi, o‘qituvchi markaziy o‘rin tutadi. Induktiv yondashuvda esa talabalar misollar asosida qoidalarni o‘zlari topadi, o‘rganish jarayoni ko‘proq talaba faoliyatiga qaratilgan. Taqdimot EFL sinfidagi motivatsiya va munosabatlar ahamiyatini ham ko‘rsatadi hamda turli o‘quv bosqichlarida qo‘llanilishi mumkin bo‘lgan o‘qitish usullariga misollar keltiradi.