Valyuta davlatning pul birligi bo‘lib, pul tizimining asosiy elementi hisoblanadi. U muomaladagi qonuniy to‘lov vositasi bo‘lib, tovarlar qiymatining o‘lchovi, hisoblash va to‘lash vositasi bo‘lib xizmat qiladi. Har bir mamlakat o‘z milliy valyutasiga ega. Yer yuzida 250 dan ziyod davlat bor, ulardan 195 tasi mustaqil mamlakatlar, qolganlari esa noaniq yoki maxsus maqomga ega. Dunyoda 160 ga yaqin valyuta mavjud. Dunyodagi eng qimmat valyuta Quveyt dinari (KWD), eng ko‘p ishlatiladigan valyuta AQSh dollari (USD), eng qadimgi va hali ham ishlatiladigan valyuta Funt sterling (GBP).