Aromatik aminobirikmalar ham xuddi yog’ qatori aminobirikmalari kabi ammiakning hosilalari hisoblanadilar. Toza aromatik aminobirikmalarda aminoguruh benzol halqasidagi uglerod atomi bilan bevosita bog’langan bo’ladi. Aminoguruhi yon zanjirda joylashgan aminobirikmalar yog’ qator aminobirikmalarning xossalarini takrorlaydilar. Fizik va kimyoviy xususiyatlari: Aromatik aminlar – suyuq yoki qattiq moddalar bo’lib, yoqimsiz hidga ega. Suvda kam eriydi, zaharli. Aromatik aminlarning asoslik xossalari yog’ qator aminlarnikiga nisbatan kuchsiz ifodalangan. Masalan, metilaminning dissotsiyalanish konstantasi 4,4.10-5 ga teng bo’lsa, anilinniki esa 3,8.10-10 ga teng. Ularning suvdagi eritmalari asos xossasiga egadir