Atomlar kabi ularning absolut massalari juda kichik sonlarda ifodalanadi. Molekulalarning hajmiy o‘lchamlari ham atomlarniki kabi kichik bo‘lib, ularning diametri 30Å (3 nm yoki 3·10-9m) gacha bo‘ladi. Deyarli ko‘pchilik molekulalar diametrlari 1–10Å oraliqda bo‘ladi. Nisbiy molekular massa molekulani tashkil etuvchi atomlarning nisbiy atom massalari yig‘indisiga teng bo‘ladi. Modda miqdori – moddaning mol o‘lchovidagi miqdori. Har qanday 1 mol miqdordagi moddada 6,02·1023 ta zarra (atom, molekula va boshqa zarralar) bo‘ladi. Moddaning molar massasi esa kg/mol yoki g/molda ifodalanadi.