Elektrolitik ajratish va konsentrlash elektroliz jarayoniga asoslangan hodisa bo‘lib, unda tekshiriladigan modda eritmasiga ikkita inert elektrod tushirilib, o‘zgarmas tok yordamida elektrolit orqali modda ajratiladi. Ajraladigan modda miqdori Faradey qonuniga binoan elektrolitdan o‘tgan elektr miqdoriga mutanosib bo‘ladi. Jarayon katodda qaytarilish, anodda esa oksidlanish jarayonlarini o‘z ichiga oladi. Masalan, CuSO4 eritmasidagi misni ajratishda qo‘llaniladi.