Gidroliz, gidro va lysis - ajralish, parchalanish - moddalar bilan suv oʻrtasida oʻzaro taʼsir natijasida turli birikmalar (kislota, asos va b.) hosil boʻlishi, jumladan (tuzlarda) ion almashinuv reaksiyasi. G.ni qoʻyidagi umumiy tenglama bilan koʻrsatish mumkin: A-V+N-ON «± A-N+V-ON, bu yerda A—V —gidrolizlanuvchi modda (tuz), A—N (kislota). V—ON (asos) — gidroliz mahsuloti. G. Anorganik va organik birikmalarda koʻp tarqalgan muhim jarayondir. G. Tuzlar, uglevodlar, oqsillar, efirlar, yogʻlar va b. Turli sinfga mansub birikmalarda uchraydi. Kuchli kislota va kuchli asosdan tarkib topgan tuzlar G.ga uchramaydi, ularning suvdagi eritmalari neytral boʻladi. Muhitning kislotali yo ishqorli boʻlishini taʼminlaydigan bufer eritmalar G. Tufayli mavjud boʻla oladi. Bunday eritmalarning fiziologik ahamiyati ham juda muhim - organizm