Шундай пардадан ўта оладиган молекула ва ионлар парданинг ҳар икки томонидаги молекулалар ва ионларнинг концентрацияси ўртасида мувозанат ҳосил бўлгунча, эритувчи томонга ўтаверади. Эритувчини вақти-вақти билан янгилаб, золни қўшимчалардан маълум даражада тозалаш мумкин. Диализ учун, одатда, коллоид пардалар ҳамда ацетилцеллюлозадан ишланган пардалар, целлофан ва бошқа материаллардан тайёрланган ярим ўтқазгич тўсиқлар ишлатилади. Шу билан бир қаторда табий ярим ўтқазгич пардалар, масалан, чўчқа ёки мол пуфаги ҳам ишлатилади.