Uglerod - metallmas element, uning tabiatda asosiy izotoplari 12C (98,9%) va 13C (1,1%) hisoblanadi. Sun'iy yo'l bilan radioaktiv izotoplari ham olingan. Uglerod yer po'stlog'ining 0,35% ni tashkil etadi, neft, tabiiy gaz, toshko'mir va o'simlik hamda hayvon organizmlarida keng tarqalgan. Minerallar (masalan, dolomit va malaxit) tarkibiga kiradi. Sof uglerod uch xil allotropik shaklda uchraydi: olmos, grafit va karbin. Uglerod birikmalari havosiz joyda quruq haydash usuli bilan olinadi.