Baland tog‘ etagida paydo bo‘lgan buloqlardan yonma-yon ikki irmoq oqib chiqdi. Irmoqlarning biri katta, ikkinchisi esa kichikroq edi. Katta irmoq kuchliroq edi. Yana, toleni qarang! U oqib borayotgan yo‘lda hech qanday to‘siq uchramadi. Kichik irmoqning yo‘li esa sermashaqqat ekan. Biroz yurganidan keyin kattakon xarsangtoshga duch kelib qoldi. Shunda ham noumid bo‘lmadi. Yeng shimarib ishga tushdi. Uning tirishqoqlik bilan o‘ziga yo‘l axtarayotganini ko‘rgan katta irmoq: – Ey bechora, shunchalik nimjon ekansan, yo‘lga chiqib nima qilar eding, –dedi. – Og‘ayni, bunday gaplarni qo‘y, – dedi kichik irmoq. – Undan ko‘ra o‘ng tomoningdan ozroq joyni o‘pirib yubora, menga ham yo`l ochilsin..