EGRA (Early Grade Reading Assessment) — bu boshlang‘ich sinf o‘quvchilarining o‘qish savodxonligini baholovchi xalqaro baholash dasturi hisoblanadi. Asosan 1–3-sinf o‘quvchilari orasida o‘tkazilib, ularning o‘qishni o‘zlashtirish darajasini aniqlashga xizmat qiladi. EGRA dasturining asosiy maqsadi bolalarning erta yoshdagi o‘qish ko‘nikmalarini aniqlash, o‘qish tezligi, tushunishi va to‘g‘ri o‘qish qobiliyatlarini tizimli tarzda baholash, o‘quvchilarning o‘qishdagi qiyinchiliklarini aniqlash orqali ta’lim sifatini oshirishga yordam berish.