Ko'p qavatli sanoat binolari odatda karkasli konstruktsiyaga ega bo‘lib, asosiy karkas materiali sifatida temir-beton va ayrim hollarda po’lat ishlatiladi. Temir-beton karkaslar uzoq muddatga chidamli, olovga bardoshli va kam metall sarfi bilan ajralib turadi. Karkas qurilish usuliga ko‘ra yig‘ma va monolit turlarga bo‘linadi. Binolarning karkas tuzilishi to‘sinsiz yoki to‘sinli bo‘lishi mumkin, qavatlararo yopmalar, konturni to‘ldiruvchi elementlar va armatura detallarini o‘z ichiga oladi. Sanoat binolari turli tarmoqlarda, jumladan, kimyo, mashinasozlik, oziq-ovqat va boshqa sanoatlarda qo‘llaniladi. Qavat balandligi, kolonna o‘lchamlari va yuklamalar sanoat talablari va texnologik jarayonlarga mos ravishda loyihalanadi.