Коррекцион педагогика — ривожланишида жисмоний ёки психик камчиликларга эга болаларни махсус индивидуал тарбиялаш ва ўқитиш методларига асосланган фан. У аномал болаларнинг нуқсонларини тўғрилаш, ижтимоийлаштириш ва реабилитациялашни мақсад қилган мураккаб педагогик тизим бўлиб, психик ва жисмоний нуқсонларини камайтириш, коррекцион-таълим ва тарбия жараёнларини ташкил этиш, шунингдек аномал болаларни ижтимоий ҳаётга мослаштиришга қаратилган чора-тадбирларни ўз ичига олади.