Pedagogik mahorat – pedagogik jarayonni bilish, uni tashkil eta olish, harakatga keltira olish, pedagogik jarayonning yuqori samaradorligini belgilovchi shaxsning ish sifati va xususiyatlari sintezi. Mazkur kursning maqsadi mahoratli pedagogni tarbiyalash bo‘lib, ta’lim va tarbiyaning yuqori darajaga erishishini va uni doimiy takomillashtirib borish imkoniyatini ta’minlovchi faoliyatdir. Pedagogik mahorat tizimiga kasbga oid bilimlar, insonparvarlik, pedagogik qobiliyat, pedagogik texnika kiradi. Ta’lim va tarbiya jarayonida pedagogik ta’sir ko‘rsatishning asosiy usullari talab, istiqbol, rag‘batlantirish va jazolash, jamoatchilik fikri orqali amalga oshiriladi.