Tarbiya nazariyasi pedagogika fanining muhim tarkibiy qismi bo‘lib, tarbiyaviy jarayonning mazmuni, usuli va tashkil etish masalalarini o‘rganadi. Markaziy Osiyo faylasuflari va xalq pedagoglarining boy tajribalariga tayanadi. Falsafa, sotsiologiya, etika, fiziologiya va psixologiya fanlaridan foydalanadi. Tarbiya jarayonida kishining turli qobiliyatlari rivojlantiriladi, ahloqiy, irodaviy va ijtimoiy xislatlar shakllanadi. Tarbiya qoidalari ta’lim va tarbiya jarayonini yaxshiroq tashkil etish uchun rahbarlik asosidir.