15 yoshli o‘quvchilarning o‘qish savodxonligini aniqlash uchun matnda fil hikoyati keltirilgan. Filni bir xonaga qamab, umrida ko‘rmagan kishilarga ko‘rsatishdi. Xona qop-qorong‘i bo‘lib, nafas olishidan u yerda maxluq borligi zo‘rg‘a bilinar edi. Kishilar avval filni paypaslab ko‘rishdi va so‘ngra o‘z tasavvurlarini bayon qilishdi. Xartumini ushlagani filni yo‘g‘on arqonga, qulog‘ini ushlagani yelpig‘ichga, oyoqlarini ushlagani ustunga, qornini ushlagani qoyaga o‘xshatdi. Shunday qilib har kishi filni o‘z paypaslagan narsasidek tasavvur qildi.