Kitob – insonlar uchun eng yaqin do'sti va maslahatchisi bo'lib, aql qayrog'i va bilim manbaidir. Kitob va kitobxonlik insonlar uchun ong-tafakkurini teranlashtiruvchi va qalbga eng go'zal ezgu niyatlarni joylab, yaxshiliklar olamiga yetaklaydigan ma'naviyat sarchashmasi hisoblanadi. Kitob fikrlash quroli xazinalar kaliti, tafakkur manbai bo'lgani sababli xalqimiz uni nonday aziz, mo'tabar va muqaddas deb hisoblaydi. Kitobga muhabbat, uni qadrlash, o'qishga ishtiyoq xalqimizning qon-qoniga singib ketadi. Insonning madaniyati uning kitobida aks etadi. Kitob aqliy salohiyatni yuksaltirishda juda muhimdir, chunki kitob tufayli dunyoqarashimiz boyib, tafakkurimizni yanada oshiradi.