Ma’lumki, morfologik vositalarning badiiy matndagi estetik vazifasining namoyon bo‘lishi turli-tuman shakllar orqali ifodalanadi. Maxsus so‘z formalari vositasida, shuningdek, ma’lum bir grammatik ma’no va funksiyaga ega bo‘lgan so‘z formasi maxsus qo‘llash orqali ekspressivlik-emotsionallik shu vazifaning voqe bo‘lishidir. Grammatik shakllarning funksional uslubiy va emotsional-uslubiy xususiyatlari morfologik uslubiyatda o‘rganiladi. Morfologik elementlar so‘zlarni shakllantirish, munosabatiga kiritish, shu asosda ma’lum bir fikrni ifodalashga xizmat qiladi.