Har bir shaxs o'ziga xos qaytarilmas dunyo. Dunyoda bir-biriga aynan ox'shash bo'lgan ikki kishini topish juda mushkul. Odam tashqi qiyofasi, boyi-basti bilan boshqa biror kimsaga ox'shashi mumkin, lekin fe'li, mijozi va shaxs sifatidagi xususiyatlari nuqtai nazardan aynan bir xil insonlar bo'lmaydi. Shaxs - qaytarilmas, u o'z sifatlari va borligi bilan noyobdir. Ana shu qaytarilmaslik va noyoblikning asosida uning psixologik xususiyatlari majmui yetadi. Temperament - o'zi nima? Temperament – shaxs faoliyati va xulqining dinamik (o'zgaruvchan) va emotsional-hissiy tomonlarini xarakterlovchi individual xususiyatlar majmui. Ya'ni temperament insonning turli vaziyatlarda narsa va hodisalarga, insonning hatti-harakatlariga nisbatan reaksiyasini tushuntirib beruvchi xususiyatlar majmui hisoblanadi.