Zardushtiylarning diniy falsafasi qarama-qarshi kuchlarning kurashiga asoslangan. Bu kurash xudolar o‘rtasida boshlanib (ezgulik xudosi Axuramazda bilan yovuzlik xudosi Anxro Manyo - Axriman o‘rtasida), tabiatda va insoniyat hayotida ham davom etadi. Tura, danu, x’yaona qabilalari “dayva” - devlarni ulug‘laganlar va Axuramazdani qadrlamaganlar. Zardushtiylik xudolariga sig‘ingan va aksincha sig‘inmagan qabilalar bir-biriga qarindosh aholining vakillari bo‘lganlar.