Dinshunoslik fani dinning ijtimoiy-madaniy hodisa sifatida ahamiyati, uning funksiyalari, predmeti, tasnifi va tarixiy rivojlanishini o‘rgatadi. Fan orqali talabalar ilmiy nazariyalar, falsafiy xulosalar, dinlarning ijtimoiy, psixologik va gnoseologik ildizlarini bilib oladilar. Shuningdek, dinning milliy va jahon madaniyatidagi roli, islom va boshqa dinlarning tarixi, madaniy va ma’naviy ta’siri, diniy jamoa va ular faoliyati kabi masalalar yoritilgan. Dinshunoslik diniy talqinlardan tashqari ilmiy dunyoqarashni shakllantirishga yordam beradi.