Инсоният Коинот сирларини чуқурроқ ангаб борар экан у ўзига ўзи “биз Коинотда ёлғизмизми?” – деган саволни кўп марталаб берган. Лекин бу саволга ҳали-ҳануз жавоб топилгани йўқ. Қуёш системаси сайёраларини ўрганиш инсониятни тинчлантирувчи натижаларни бермади: Марсда оқсил-нуклеин ҳаётнинг излари топилмади, Венера ва Меркурий юзаси ҳаёт бўлиши учун жуда ҳам иссиқлик қилади. Юпитер каби гигант сайёраларда уларнинг кимёвий таркибига кўра ҳаётнинг бўлиши мумкин эмас. Ушбу сайёраларнинг йўлдошдарида ҳарорат жуда паст. Шунинг учун ҳам биз Қуёш системасида яккамиз, дейишимиз мумкин. Лекин шуни таъкидлаш лозимки, астрономлар Қуёшнинг Коинотда ноёб юлдуз эмаслиги, унга ўхшаш юлдузларнинг сон-саноқсиз эканлигини аллақачонлар аниқлашган. Шундай экан, бу юлдузлар атрофида ҳам Ерга ўхшаш сайёралар ҳаракатланиб, уларда онгли ҳаётнинг ривожла