“O’zbekistonning eng yangi tarixi” o‘quv fani mamlakatimiz 1991-yildan keyingi tarixiy yo‘lini, mustaqillikka erishish arafasidagi ijtimoiy-siyosiy jarayonlarni o‘rganadi. Fanning maqsadi O‘zbekiston tarixini tizimli, haqqoniy va xolis tarzda yoritish, yangi avlod ilmiy va o‘quv-uslubiy adabiyotlarni yaratish, yoshlar orasida tarixiy bilimlarni targ‘ib qilishdan iborat. Shuningdek, fanning vazifalari ijtimoiy-iqtisodiy islohotlar konseptual asoslarini tushunish hamda davlatning global va mintaqaviy integratsiyadagi o‘rnini tahlil qilishni o‘z ichiga oladi.