Turkmaniston hududida so'nggi bronza va ilk temir davri madaniyatlarining rivojlanishi (Dahiston, Kopetdog' va Murg'ob vohalari). Yoztepa vohasi yodgorliklari. Ilk temir davri umumiy tavsifi. Taxminan mil. avv. II ming yillikning oxirgi choragida Atlantikadan Tinch okeanigacha bo‘lgan hududlarda tarqalgan bronza davrining ko‘pgina madaniyatlari inqirozga uchrashi yoki shaklini o‘zartirish holati kuzatiladi. Bu jarayon O‘rta Osiyoning janubiy hududlarida ham kuzatiladi. Mazkur hududlar bronza davri yuksak darajada rivojlangan ilk shahar madaniyatning inqirozi va uning o‘rnida yangi madaniyatning qaror topish jarayoni kechadi. Ilk temir davri vujudga kelgan madaniyat ayrim alomatlari bilan so‘nggi bronza davri anʼanalaridan farq qilgan.