1922-yili amalga oshirilgan muhim tadbirlardan biri SSSRning tashkil topishi bo‘ldi. Millatlarning o‘z huquqini o‘zi belgilash tamoyilidan kelib chiqib, barcha respublikalar federativ davlatga teng huquqli a’zo bo‘lib kirdilar. Yangi iqtisodiy siyosat. 1921-yili sovet davlati kuchli iqtisodiy va siyosiy inqirozni boshidan kechirdi. Mamlakat vayron bo‘lgan, sanoat ishlab chiqarishi keskin pasayib ketgan edi. Yuz bergan dahshatli qurg‘oqchilik Ukraina, Kuban va butun Volgabo‘yini qamrab oldi. Bu hududlarda ocharchilik boshlanib, sovetlarga qarshi qo‘zg‘olonlar ko‘tarildi. Fritof Nansen mashhur norveg sayyohi Fritof Nansen ochlarga amaliy yordam ko‘rsatishni tashkil qilganlardan biri bo‘ldi.