Etimologiya, yaʼni soʼzlarni kelib chiqishi jihatidan bu atama bevosita qandaydir bitta klassik - grekcha yoki lotincha ildizga ega emas. U lotincha ʼʼstatusʼʼ, yaʼni ahvol, holat degan soʼzning italyancha ʼʼstateʼʼ - davlat degan soʼz qiyofasini olishidan kelib chiqadi. Statistika soʼzi kundalik hayotga va ilm-fanga XVIII asrda kirib keldi. Dastlab, savdo va moliya kapitali hamda pul munosabatlari taraqqiyoti natijasida vujudga kelgan ehtiyojni qondirish maqsadida toʼplangan mamlakat aholisi, iqtisodiy va siyosiy ahvoli haqidagi maʼlumotlar statistik axborotlar deb yuritiladi.