Insoniyat ko‘plab keng miqyosli pandemiya va epidemiyalarni boshdan kechirdi. Birinchi epidemiya Afinada miloddan avvalgi 431 yildan 427 yilgacha, Peloponnes urushi davrida kelib chiqqan deb taxmin qilinadi. 30 mingga yaqin odam uning qurboniga aylandi. Zamonaviy olimlarning ta’kidlashicha, Afina epidemiyasining sababi o‘lat emas, balki qizamiq va ich ketishi edi. Yustinianning o‘lati ko‘plab odamlarning hayotiga zomin bo‘ldi. Epidemiyaning nomi Vizantiya imperatori Sezar Flaviy Yustinian hukmronligi davrida boshlanganligi bilan bog‘liqdir. O‘rta yer dengizi bo‘yidagi birinchi o‘lat epidemiyasi ikki asr miloddan avvalgi 541 yildan 750 yilgacha davom etgan. Epidemiya 544 yilda cho‘qqisiga chiqib, Konstantinopolda har kuni 5-10 ming kishi halok bo‘lgan.