1996-yil 18-oktabr Toshkentda Amir Temur muzeyi, Samarqand va Shahrisabzda Amir Temur haykallari ochilish marosimlari bo’lib o’tdi. Samarqand va Shahrisabz shaharlariga “Amir Temur ordeni“ berildi. 1996-yil 18-oktabr kuni Sohibqiron tavalludining 660 yilligi munosabati bilan Toshkent shahridagi Amir Temur xiyoboniga tutash hududida “Temuriylar tarixi davlat muzeyi” barpo etildi. Muzey 3 qavatdan iborat. Muzyening balandligi 31 metr, diametri tashqi tomoni 70 m, ichkisi 50 m, gumbazini yoritib turgan “Zumrad” deb nomlangan qandilning og’irligi 2 tonnadan oshadi. Unga 500 ta yoritgich o’rnatilgan. Birinchi qavatida xazinaxona, kutubxona, anjumanlar zali va ma’muriyat joylashgan.