Arterial puls yurakning har bir qisqarishi natijasida yuzaga keladigan qon to‘lqinining periferik arteriyalar orqali sezilishi hisoblanadi. Puls yurak faoliyati va qon aylanish tizimi holati haqida muhim axborot beradi. Pulsni aniqlash usuli bemorga qulay holat yaratiladi, odatda u yotgan yoki bemalol o‘tirgan bo‘ladi. Eng ko‘p tekshiriladigan arteriya bu nurlovchi (radiyal) arteriyadir. Bilak sohasida bosh barmoqning qarama-qarshi tomonida joylashgan. Ko‘rsatkich va o‘rta barmoqlar yordamida arteriyaga engil bosiladi. Bosh barmoq ishlatilmaydi, chunki unda ham puls bo‘lishi mumkin. Pulsning quyidagi xususiyatlari aniqlanadi: Chastotasi (1 daqiqadagi zarbalar soni), Ritmi (muntazamligi yoki nomuntazamligi), To‘liqligi (arteriya to‘liq to‘lib-toshgan yoki yo‘qligi), Kuch