Chanoq suyaklarining sinishi hamma sinishlarning 4% ni tashkil qiladi va odatda 8 yoshdan katta bolalarda uchraydi. Ko‘pincha balandlikdan tushib ketish, avtoxalokat va biror narsaning bosib qolishi natijasida yuz beradi. Bolalar chanog‘ining anatomik tuzilishining o‘ziga xos xususiyatlariga qov va dumg‘aza-yonbosh birikmasidagi boylam apparatining bo‘shligi, uchchala chanoq suyaklarini ajratib turuvchi tog‘ay qavatining borliga, bolalar suyagining egiluvchanligiga bog‘liq bo‘lgan chanoq xalqasining elastikligi kiradi