Диуретик воситалар пешоб ажралишини (диурез) оширади. Улар тиббиёт амалиётида турли этиологияли (ўткир ва сурункали) шишларда қўлланилади. Бундан ташқари, диуретиклар дори воситалари ва бошқа кимёвий воситалар билан заҳарланганда уларнинг организмдан чиқарилишини тезлаштириш (кучайтирилган диурез деб аталадиган) ҳамда гипотензив восита сифатида қўлланилади.