Эндокрин система инсон танаси бўйича тарқалиб кетган ва унинг асосий вазифаси гомеостазни бошқаришдан иборат. Эндокрин бошқарув гипоталамус, гипофиз ва эндокрин аъзолар томонидан амалга оширилади. Эндокрин аъзолар орасида тўғри ва тескари боғлиқлик мавжуд. Бундан ташқари эндокрин безлар ва гипоталамус хамда гипофиз орасида боғлиқлик мавжуд. Бу системалар орасидаги мувозанатни бузилиши у ёки бошқа безларнинг функциясини ортишига ёки пасайишига олиб келади, бу эса турли клиник симптомларни, синдромларни, эндокринопатияларни хатто касалликларни ривожланишига сабаб бўлади. Касалликларни ривожланишига турли шикастланишлар(яллиғланиш, қон қуйилиш, ўсмалар, травмалар) ҳам сабаб бўлади.