Kamqonlik (anemiya) qonning kislorod tashish qobiliyatining pasayishi bilan kechadigan klinik-gemotologik sindrom bo‘lib, u ko‘pincha gemoglobin miqdorining kamayishi yoki eritrotsitlar sonining kamayishi bilan aniqlanadi. Bu holat mustaqil kasallik bo‘lishi mumkin, ammo ko‘proq boshqa patologik holatlarning belgisi sifatida kuzatiladi. Gemoglobinning kamayishi tufayli organizm to‘qimalariga yetkaziladigan kislorod miqdori kamayadi, bu esa barcha a’zolarning faoliyatini susaytiradi.