Талабаларга хирургик операциялар хакида тушунча бериш, талабаларни хирургик операциялар классификацияси билан таништириш, талабаларга хирургик операцияларнинг асосий тамойилларини тушунтириш. Операция деб даво ёки диагностик мақсадда тўқималар ва аъзоларга қилинадиган механик таъсирга айтилади. Кўп йиллар давомида “операция” деганда азобли оғриқлар ёки ўлим хавфи тушуниб келинган. Антисептикагача бўлган хирургияга анатомик йўналиш хос бўлиб, бунда анестезия, қон қуйиш, жарохат инфекциясининг олдини олиш сирлари номаълум бўлиб келган.