Операция дебдаво ёки диагностик мақсадда тўқималар ва аъзоларга қилинадиган механик таъсирга айтилади. Кўп йиллар давомида “операция” деганда азобли оғриқлар ёки ўлим хавфи тушуниб келинган. Антисептикагача бўлган хирургияга анатомик йўналиш хос бўлиб, бунда анестезия, қон қуйиш, жарохат инфекциясининг олдини олиш сирлари номаълум бўлиб келган. Хозирги даврда эса операциянинг хавф хатарлари бартараф қилинган бўлиб, хирургия физиологик йўналиш олган. Бунга эса беморларни операциядан олдинги даврда хар томонлама текшириш, операция ва операциядан кейинги даврларда беморларни интенсив кузатишлар орқали эришилади. Замонавий хирургияда операциянинг муоффақиятли ўтиши оғриқ сезгисининг етарли даражада камайтириш орқали таъминланади.