Бу - микроорганизмларнинг онадан ҳомилага ҳомиладорлик ёки туғруқ даврида юқиш жараёнидир. Юқиш вақтига кўра анте-, интранатал даврларга ажратиш мумкин. Фертил ёшдаги аёлларнинг 30-35% и токсоплазмоз, 50-70% и цитомегаловирус, 92%и листериоз, 80-90% 1 тип герпес вируси билан инфекцияланган. Зарарланган она перинатал даврда чақалоқ учун инфекция манбаи бўлади. Хомиладорлик пайтида аёл турли инфекцияларга анча тез чалинади. Агар она у ёки бу вируснинг ташувчиси бўлса ёки вирусли ва бактерияли касалликлар билан касалланган бўлса, кўпчилик ҳолатларда бу ҳомилада оғир ва давомли оқибатларга олиб келмайди.