Magnit Rezonans Tomografiya radiologiyada tananing anatomiyasi va fiziologik jarayonlarini tasvirlash, kasalliklarga tashxis qo‘yish uchun ishlatiladigan tibbiy tasvirlash usulidir. MRT - matematik usullar bilan tiklangan organlar va to‘qimalarning qatlamli va volumetrik tasvirlarini olish uchun magnit maydon va radio to‘lqinlardan foydalanishga asoslangan nur tashxisi usulidir. MRT radioto‘lqinli usullardan farqli o‘laroq, atomlarni ionlash uchun zarur bo‘lgan chastotadan ancha past bo‘lgan radio to‘lqinlardan foydalanadi. MRT biologik to‘qimalarga ionlashtiruvchi (zararli) ta‘sir ko‘rsatmaydi va hozirgi kunda deyarli zararsiz hisoblanadi.