Nekrotik enterokolit, chala tug’ilgan bolalarda ko’proq uchraydigan ichaklarning shilliq qavatidan chuqur qavatlarigacha yetib boradigan nekrozli yallig’lanish kasalligidir. Perinatal gipoksiya, onada xomiladorlik toksikozidan xomilaning gipoksiyasi, anemiya, yurak poroklari, qon guruhi yoki rezus omil mos kelmasligi, tug’ruq asfiksiyasi, yangi tug’ilgan chaqaloqda pnevmopatiyadan nafas yetishmovchiligi, dekompensatsiyalangan yurak poroklari, gipovolemiya, shok hamda ona qornida davridagi yoki postnatal sepsisdan og’ir dizbakterioz rivojlanganda ushbu kassalikka sabab bo’ladi. Patogenezida me’da-ichak tizimi devorida bacterial intoksikatsiya hamda gipoksiyaga javoban mikrosirkulyatsiya va qon aylanishining buzilishi yotadi. Ichak devorida dagi arteriola va kapilyarlar spazmi kechadi va u o’z o’rnini parezga bo’shatib, to’laqonlik, mikrotromblar, va qon quyilishlar sodir bo’ladi. Ichakda gemorragik yoki septik infarct rivojlanadi.