Orttirilgan oʻtkir ichak tutilishi — ichak yo‘lida yel va suyuqlikning qisman yoki batamom harakat qilmasligi natijasida yuzaga keladigan, og‘ir kechadigan kasallik. Bolalarda uchrashi 74% ni tashkil etadi. Strangulyatsion turi ichak devorlari, tutqichlari va qon tomirlarning qattiq siqilishi bilan kechadi. Klinik belgilariga to‘satdan boshlangan o‘qtin–o‘qtin og‘riq, bezovtalik, rang oqarishi, majburiy pozitsiya, ochlik hissining yo‘qligi, bemor ahvolining og‘irligi, teri sovuq ter bilan qoplanishi, yurak urishining sustlashishi va arterial bosimning pasayishi kiradi. Sabablari: ichakda tugun hosil bo‘lishi, bitishmalar, ichakning o‘z tutqichi atrofida aylanib qolishi, ichki yoki tashqi churralar va ichak kovuzloqlarining bir-biriga kirib qolishi.