Reaktiv artritlar (ReA) “steril” yiringsiz artritlar bo‘lib, ular bo‘g‘imdan tashqaridagi infeksiyaga javoban rivojlanadi. Bunda taxmin qilinadigan etiologik infeksion omil oddiy oziq muhitlaridan foydalanilganda bo‘g‘imdan ajralib chiqmaydi. Reaktiv artrit” atamasi 1969-yilda Anhoven va hamkorlari tomonidan taklif qilingan. Hozirgi paytda aniqlanishicha, ReA bo‘g‘im to‘qimalarida mikroblar (yersiniya, salmonella, xlamidiya) antigenlari topiladi. Biroq, ReA holatlarida bo‘g‘im to‘qimalaridan o‘sish xususiyatiga ega bo‘lgan mikroorganizmlar ajralib chiqishi mumkinligi haqida xabarlar ham mavjud. Hozirgi kunda faqat ichak va siydik-jenital (mochepolovoy) infeksiya bilan bog‘liq hamda HLA B27 antigeni bilan assotsiatsiyalangan artritlarni ReA turiga kiritish taklif etilmoqda. Bunda revmatoid omil qon zardobida aniqlanmaydi.