Сариқ иситма (СИ) – пашшалари тарқатадиган табиий ўчоқли арбовирус инфекцияси бўлиб, ўткир иситма, геморрагик синдром, шок ва жигар–буйрак этишмовчилиги билан кечадиган касалликдир. Этиологияси.СИ касаллигини Флавивиридае оиласига Флавивирус авлодига мансуб бўлган, ўзида РНК сақловчи Флавивирус фебриcус қўзғатади. Вирус одамнинг ички органларини шикастлаш қобилиятнга эга эканлиги инобатга олиниб, Висcеропҳилус тропиcус номини олган. Вирус ташқи муҳитга унча чидамли эмас, дезинфекцияловчи моддаларнинг одатдаги консентрациялари таъсирида бир зумда нобуд бўлади, 60°C гача иситилганда вирус ўз фаоллигини 10 дақиқа давомида йўқотади. Вирус қуритилган ҳолда +100–110°C да 5 соатгача тирик сақланади, музлатилган ҳолда эса бир неча йилгача ўз фаоллигини сақлайди.