Сариқлик – жигар ва ўт йўлларининг шикастланишида ривожланувчи симптомокомплекс бўлиб, тери қопламлари ва шиллиқ қаватларнинг сарғайиши биланкечади. Қачонки қон зардобида билирубин миқдори 2 мг % (35 мкмоль/л) дан ошса сариқлик билинади. Ўт пигментлари энг биринчи бўлиб шиллиқ қаватларга, кейин бириктирувчи ва фиброз тўқимага, кейинроқ эса эпителиал тўқимага, энг охирида суяк тўқимасига сўрилади. Шох парда, тоғай ва нерв тўқимаси билинар-билинмас сарғаяди. Организмнинг нормал ажралмалари (сийдикдан ташқари) – тер, сўлак, кўз ёши, сут, ошқозон шираси – ҳеч қачон сариқ рангга кирмайди.