Сепсис, бу – шартли-патоген бактериялар томонидан қўзғатиладиган ациклик инфекцион касаллик бўлиб, унинг асосида организмда ноадекват тизимли яллиғланиш реакциясини ривожлантирадиган макрофагал дисфункция ётади. Томирлар эндотелийсининг тарқоқ шикастланиши, микроциркуляциянинг турғун бузилиши, гамостазнинг издан чиқиши, ДВС синдроми ривожланиши ва охир оқибатда полиорган етишмасликка олиб келувчи касаллик ҳисобланади. Сепсис билан кўпинча болалар касалланади. Россияда болаларнинг сепсисдан ўлиши 4,5% ташкил қилади, улардан 92,5% чала туғилганлар ҳисобланади. Узоқ хориж давлатларда бу кўрсатгич 1,5-2%дир.