Suyuq dori shakllariga quyidagilar kiradi: Eritma – solutio, Damlama – infusum, Qaynatma – decoctum, Tindirma – tinctura, Aralashma – mixtura, In’eksiya uchun ishlatiladigan eritmalar – injectio, Ekstrakt – extractum, Emulsiya – emulsum, Shilimshiq – mucilago, Suspenziya – suspensio, Suyuq surtma – linimentum. Eritmalar – solutiones (eritma – bosh kelishik birlik sonda solutio, qaratqich kelishik birlik sonda – solutionis, qisqartirilgan holda – sol.). Eritma suyuq dori shakli bo‘lib, qattiq dori modda yoki suyuqliklarni erituvchida eritish yo‘li bilan olinadi. Eritma ikkita tarkibiy qismdan: eritiladigan modda va erituvchidan iborat bo‘ladi. Erituvchi tariqasida ko‘pincha distillangan suv (Aqua destillata), etil spirti (Spiritus aethylicus), g