Тиш олиш амбулатория стоматологияси амалиётида энг кўп қўлланиладиган операция ҳисобла-ниб, уни бажариш учун тиш врачи томонидан маълум даражадаги назарий билим ва кўникмага асосланган малака талаб қилинади. Тиш олиш операциясига кўрсатмалар. Бу операция зудлик билан ёки режа асосида (оғиз бўшлиғини соғломлаш-тириш—санация жараёнида) бажарилиши мумкин. Зудлик билан асосан яллиғланиш касаллигининг келиб чиқишига сабаб бўлган ва консерватив даволашга мойил бўлмаган ёхуд бундай даволашдан фойда кўрмаган тишлар олиб ташланади. Шунингдек, узунасига иккига бўлиниб синган ёки тож қисми синиб, пульпаси очилиб қолган ва илдизини консерватив усулда сакдаб қолишнинг иложи бўлмаган тишлар ҳам зудлик билан олиб ташланади.