Yurak ishemik kasalligi yurak mushaklarini kislorodga bo’lgan talabi va toj tomirlarda qon aylanishi orasidagi muvozanatni buzilishi natijasida yuzaga keladigan yurak faoliyatining o’zgarishi hisoblanadi. Ushbu buzilish oqibatida miokardda ishemiya yoki nekroz kuzatilib, kardioskleroz rivojlanishiga olib keladi. YIK paydo bo’lganda avj olib boruvchi toj tomirlar aterosklerozi, ba’zan yirik tomirlar spazmi, ularda tromblar hosil bo’lishi va koronar yetishmovchiligi sababli surunkali qaytalanuvchi, ba’zan o’tkir kechuvchi nostabil stenokardiya yoki miokard infarkti ko’rinishida rivojlnishi mumkin.