Taqdimotda Amir Temur va Temuriylar davrining ijtimoiy-iqtisodiy, madaniy-maishiy taraqqiyoti, me’morchilik, tasviriy va amaliy san’at, ilm-fan hamda adabiyot sohalari yoritilgan. O‘rta Osiyo madaniy tarixida klassik davr hisoblangan bu davrda kuchli davlat tamoyillari asosida madaniy taraqqiyot va hunarmandchilik rivojlangan. Temur davrida O‘rta Osiyoning birlashuvi va Samarqandning obodonchiligi yo‘lida turli mamlakatlardan san’atkorlar va hunarmandlar to‘plangan. Kulolchilik, toshtaroshlik, xattotlik, binokorlik sohalarida yangi texnika va nomlar paydo bo‘lgan.