Kórkem óner- bul social sana hám álbette insan iskerliginiń ayriqsha forması esaplanadı. Kórkem óner áyyemgi tariyxqa iye bolıp, ol jámiyet rawajlanıwınıń dáslepki basqıshlarında miynet procesi menen, adamlardıń social iskerliginiń rawajlanıwı menen baylanıslı halda payda bola baslaǵan. Kórkem óner túsiniginiń maqseti dúnyanı kórkem ózlestiriw, insanlarǵa keypiyat baxsh eta alatuǵın, onı ruwxıy boyita alatuǵın dóretpeler hám jumıslar jaratıw jolı menen insanlardıń estetik mútajliklerin qandırıw esaplanadı.