krit - minoy sivilizatsiyasi Minoy sivilizatsiyasi orolda oldin mavjud bo'lgan Neolit davri madaniyatidan tahminan m.a. 3100 yillarda o'sib chiqqan bo'lib, m.a. 2000 yillar atroflarida murakkab shaharlashuv alomatlari yuzaga kela boshlagan. Tahminan m. a. 1450-yillar atroflarida Minoy sivilizatsiyasi qit'adagi MIkena yunon sivilizatsiyasining madaniy, ehtimol siyosiy ta'sir doirasiga tushib qoladi va natijada shakllangan qorishma madaniyat m. a. 1100 yillarga qadar davom etadi.Minoyliklar ulkan binolar barpo etishgan bo'lib, dastlabki arxeologlar bu binolarni saroylar deb atashgan. Keyinchalik o'tkazilgan tadqiqotlar bu binolar shunchaki hukmdorlar turar joylari emas, balki turli xil diniy va iqtisodiy tadbirlar o'tkaziluvchi manzillar ekanini ko'rsatdi. Lekin bu binolarning Minoy jamiyatida aniq qanday rol o'ynagani hali-hanuz tadqiqotchilar bahs-munozarasiga sabab bo'ladi.