Ushbu ishda qadimgi Sharq, Yunoniston va Rim davrlaridagi iqtisodiy g‘oyalar shakllanishi va rivojlanish bosqichlari yoritilgan. Asarda Aristotel, Ksenofont, Platon kabi antik mutafakkirlarning iqtisodiyotga oid qarashlari, ularning mehnat, mulk, savdo va adolat haqidagi ta’limotlari tahlil qilingan. Qadimgi dunyo iqtisodiy fikrlarining asosiy yo‘nalishlari — dehqonchilik, qullik mehnati, ayirboshlash va bozor munosabatlarining ilk shakllari misolida ko‘rsatib berilgan. Ishning mazmuni hozirgi zamon iqtisodiy tafakkurining ildizlarini anglashda nazariy va tarixiy ahamiyat kasb etadi.